Is-Sibt 4 ta’ Ġunju 2016 grupp ta’ tfal mis-sitt sena ħadu sehem f’attivita ġbir ta’ fondi għall-Missjoni. Minbarra li ħadu pjaċir jilagħbu l-futbol f’ambjent amikevoli, it-tfal taw ukoll donazzjoni żgħira b’ total ta €90 f’isem il-Kulleġġ San Injazju l-iskola Primarja Siġġiewi.
.
Fl-24 ta’ Mejju ċċelebrajna l-Preċett flimkien mat-tfal tat-tieni sena. Il-ġurnata bdiet b’quddiesa fejn it-tfal ipparteċipaw permezz tal-qari, talb u kant. Saħansitra l-quddiesa spiċċat b’żifna mit-tfal stess. Wara l-ġenituri, flimkien ma uliedhom kellhom festin żgħir. It-tfal kollha ingħataw souvenir bħala tifkira ta’ din l-okkazjoni speċjali. Grazzi kbira tmur lill-għalliema u lil-LSAs tat-tieni sena, tal-għajnuna siewja tagħhom.
Fit-13 ta’ Mejju kellna l-inkurunazzjoni tal-Madonna. Dakinhar it-tfal kollha ltaqgħu fis-sala fejn sar talb u kant biex infaħħru lill-Madonna li għaliha hu ddedikat ix-xahar ta’ Mejju. Tifla mill-Kindergarten u tifel mill-Year 6 libbsu kuruna ta’ fjuri fuq ras il-Madonna, filwaqt li ħafna tfal ġabu fjuri u xemgħat bħala turija ta’ rispett lejn il-Madonna.
St Ignatius College, Patri Ġużè Delia, Siġġiewi Primary 