Category: School Activities

San Martin Special Assembly

L-istudenti tat-tieni sena 2.4,  waqt assembly speċjali ppreżentaw ftit informazzjoni dwar il-festa ta’ San Martin li  tiġi ċċelebrata fil-ħdax ta’ Novembru.  Ilkoll flimkien, l-istudenti qraw  informazzjoni dwar il-ħajja ta’ Martin u l-episodju li għenu jbiddel triqtu sabiex isir qassis.  Xi tfal irreċtaw  din il-ġrajja. Tkellmu ukoll dwar dak li nsibu fil-borża tradizzjonali ta’ San Martin.  It-tfal temmew il-preżentazzjoni tagħhom bit-taqbila li tant għoġbithom ‘Ġewż, lewż, qastan, tin, kemm inħobbu lil San Martin’.
Ms. Maria Tereza Micallef

This slideshow requires JavaScript.

Jum Dun Karm

L-istudenti tal-klassi 6.3 ippreparaw assembly speċjali dwar il-Poeta Nazzjonali, Dun Karm, nhar it-18 t’Ottubru. Waqt li t-tfal taw ftit informazzjoni interessanti dwar il-ħajja tiegħu, wieħed mill-istudenti ħa l-irwol ta’ Dun Karm u anima mumenti importanti ta’ ħajtu. Fosthom meta Dun Karm ġietu l-ispirazzjoni biex jikteb l-ewwel poeżija bil-Malti. It-tfal għalqu l-assembly b’poeżija ħelwa jisimha ‘Warda’. Din l-attivita’  għenet lit-tfal biex isiru jafu iktar dwar il-ħajja ta’ Dun Karm u wħud mid-diversi poeżiji sbieħ tiegħu.

Ms Kristine Aquilina

Jum l-Għalliema

Bħal kull sena f’ Ottubru niċċelebraw Jum l-Għalliema.  B’hekk fl-iskola kellna Special Assembly iddedikata għal dan il-għan.  Din l-Assembly ġiet imtella’ mit-tfal tar-raba’ sena li qegħdin fil-klassi ta’ Ms Stephanie Brownrigg bl-għajnuna tal-LSEs tal-klassi, Ms Priscilla Vella u Ms Yanika Tonna. It-tfal qraw messaġġi dwar l-importanza tax-xogħol tal-ghalliema u l-benefiċċji li dan iħalli. Fl-aħħar nett, l-edukaturi  ngħataw qronfla bħala apprezzament ta’ dak kollu li jagħmlu għall-ġid tat-tfal tal-iskola kollha.

Grazzi kbira tmur lill-edukaturi kollha.

N. Saliba

This slideshow requires JavaScript.