Category: Other

L-elezzjoni sejra ssir bejn l-Ħamis, 31 ta’ Jannar 2019 u t-Tnejn, 4 ta’ Frar 2019. L-elezzjoni din is-sena sejra ssir onlajn. It-tifel/tifla tiegħek ġab/ġabet kodiċi mill-iskola. Il-kodiċi għandu tliet ittri u tliet numri. Biex tivvota trid tidħol fis-sit schoolcouncilelections.edu.mt, iddaħħal il-kodiċi li ġab/ġabet it-tifel/tifla tiegħek u tagħfas il-buttuna: Kompli. Fil-pront tinfetaħ paġna oħra bl-ismijiet tal-kandidati li qed jikkontestaw l-elezzjoni fl-iskola tat-tifel/tifla tiegħek. Tista’ tagħżel mhux aktar minn tliet kandidati. Tista’ tuża kompjuter, tablet, smartphone jew tmur l-iskola nhar il-Ħamis, il-Ġimgħa jew it-Tnejn (31 ta’ Jannar, 1 u 4 ta’ Frar) bejn id-9.00 a.m. u s-1.30 p.m. u tuża kompjuter tal-iskola. Ikun hemm persuna biex tgħinek tivvota imma importanti li jkollok il-kodiċi miegħek biex tkun tista’ tivvota.

Il-ġenituri li tistgħu tivvotaw għalihom huma:

Borg Diana

Farrugia Vanessa

Pace Christabelle

Scicluna Simon

Inħeġġukom biex tivvutaw.

Grazzi

Ms N Saliba

Kap tal-Iskola

Nhar it-Tlieta 11 ta’ Diċembru, l-istudenti tal-iskola Primarja Siġġiewi kellhom żjara mis-Sur Preca. Għal din l-okkażjoni speċjali, it-tfal tal-kinder 1 żifnu u kantaw mad-diska This Little Light of Mine, filwaqt li t-tfal tas-sitt sena (Yr 6.2) ippreparaw play qasira dwar l-importanza li naħsbu f’ħaddieħor u nagħtu milli għandna. L-ispettaklu għalaq b’kanzunetta tal-Milied li kantaha Kurt Calleja. Is-Sur Preca kellem lit-tfal kollha u spjega l-importanza tal-Piggy Bank Campaign fl-iskejjel. Dawn il-flus imorru għall-Community Chest Fund fejn b’dawn il-flus miġbura, jiġu mgħejuna ħafna nies li jkollhom bżonn ħafna għajnuna speċjalment minħabba l-mard. Is-Sur Preca ppreżenta ktieb lit-tfal li tpoġġa fil-librerija tal-iskola. Min-naħa l-oħra s-Sur Preca ġie mogħti kaxxa li tirrappreżenta l-iskola. F’din il-kaxxa tpoġġew tliet friefet li jirrappreżentaw l-istudenti, l-istaff u l-ġenituri. Il-messaġġ hu li s-suċċess tal-iskola huwa possibbli biss permezz ta’ ħidma kontinwa bejn l-istudenti, l-istaff u l-ġenituri kollha.

Ms Natalie Saliba

This slideshow requires JavaScript.

 

Inżommu l-Għeruq Aktar b’Saħħithom

Darba minnhom kien hemm żewġ ġirien jgħixu bieb ma’ bieb. Xi ħadd minnhom kien għalliem irtirat, u l-ieħor aġent tal-assigurazzjoni. L-aġent kien interessat ħafna fit-teknoloġija. It-tnejn li huma kienu żraw diversi pjanti fil-ġnien tad-dar tagħhom.

L-għalliem kien qiegħed iqatta’ ftit tal-ħin fil-ġnien tiegħu kuljum, u jsaqqi ammont żgħir ta’ ilma lill-pjanti tiegħu b’mod regolari. Min-naħa l-oħra, il-ġar li kienet tinteressah ħafna t-teknoloġija kien jagħtihom ħafna ilma u kien iqatta’ ħafna ħin jieħu ħsieb il-pjanti tiegħu… il-ħin kollu jsaqqihom u jiċċekjahom.

Il-pjanti tal-għalliem kienu sempliċi imma jidhru sbieħ. Dawk tal-aġent tal-assigurazzjoni kienu aktar ħodor u mimlijin. Darba bil-lejl, niżlet ħafna xita u kien ir-riħ minħabba maltempata. Filgħodu ż-żewġ ġirien ħarġu jiċċekkjaw il-ġnien tagħhom u jaraw jekk kinitx saritilhom ħsara fil-pjanti. Il-ġar tal-assigurazzjoni ra li l-pjanti tiegħu kienu kollha nqalgħu minn mal-għeruq u kienu kompletament meqruda. Min-naħa l-oħra, dawk tal-għalliem ma kellhomx ħsara u kienu għadhom sbieħ.

L-aġent tal-assigurazzjoni baqa’ skantat meta ra dan. Mar fuq l-għalliem u staqsieh: “It-tnejn li aħna kabbarna l-istess pjanti flimkien. Jiena ħadt ħsieb tiegħi aktar u aħjar minnek, u tajthom aktar ilma. Minkejja dan, il-pjanti tiegħi nqalgħu minn mal-għeruq u tiegħek le. Dan kif inhu possibbli?”

L-għalliem tbissem u qal: “Inti tajt lill-pjanti tiegħek aktar attenzjoni u ilma milli kellhom bżonn. Minħabba f’hekk, il-pjanti tiegħek ma kellhomx għalfejn jagħmlu sforz biex jikbru u jisbieħu. Inti għamilthielhom faċli biex jikbru u jisbieħu. Min-naħa l-oħra, jiena tajthom ilma kemm kellhom bżonn biex jgħixu u ħallejt l-għeruq ifittxu aktar ilma. Minħabba f’hekk, l-għeruq niżlu aktar fil-fond u l-pożizzjoni tagħhom kienet aktar b’saħħitha. Għalhekk il-pjanti tiegħi baqgħu ħajjin”.

Tagħlima tal-istorja: Il-pjanti ta’ din l-istorja jissimbolizzaw lit-tfal tagħna, waqt li l-ġirien jissimbolizzaw lill-ġenituri jew gwardjani. Jekk aħna nagħtuhom kollox, isibuha diffiċli biex jifhmu li biex ikollok xi ħaġa trid taħdem għaliha. Ma jitgħallmux li jridu jagħmlu ħilithom u tkun aktar diffiċli japprezzaw dak li jingħatalhom. Xi kultant huwa aħjar li tigwidhom milli tagħtihom kollox lest.

Tislijiet,

L-Għalliema tal-PSCD