Nhar il-Ħamis 4 t’Ottubru kienet il-festa ta’ San Franġisk u peress li dan il-qaddis kellu għal qalbu l-annimali, fl-iskola ċċelebrajna Animal Awareness Day fejn it-tfal ġabu l-pets magħhom l-iskola u tbierku mill-Arċipriet Fr. Joe Grech. Permezz ta’ din iċ-ċelebrazzjoni ngħallmu lit-tfal iħobbu l-annimali kollha u jifhmu l-importanza tal-annimali fil-ħajja tagħna u li dawn ukoll għandhom id-drittijiet tagħhom!
N Saliba
Għat-tielet sena konsekuttiva, ġewwa s-sala tal-iskola ttella’ kunċert minn tfal Russi fejn taw spettaklu mill-isbaħ ta’ mużika, kant u żfin. Permezz ta’ dan il-kunċert it-tfal tagħna kellhom l-opportunita’ li jesperjenzaw il-kultura Russa li hija differenti minn dik ta’ pajjiżna. Il-kunċert sar fl-4 t’Ottubru u dan sar bl-għajnuna ta’ Dun Nikol Aquilina li minn qalbna nixtiequ nirringrazzjaw.
N Saliba
Għeżież Ġenituri
Infakkrukom li nhar il-Ġimgħa 19 t’ Ottubru t-TFAL KOLLHA tal-kindergarten u tal-primarja m’għandhomx skola. Dakinhar l-għalliema tal-iskola ser ikollhom professional development seminar.
Grazzi
N Saliba
St Ignatius College, Patri Ġużè Delia, Siġġiewi Primary 