Fit-13 ta’ Mejju kellna l-inkurunazzjoni tal-Madonna. Dakinhar it-tfal kollha ltaqgħu fis-sala fejn sar talb u kant biex infaħħru lill-Madonna li għaliha hu ddedikat ix-xahar ta’ Mejju. Tifla mill-Kindergarten u tifel mill-Year 6 libbsu kuruna ta’ fjuri fuq ras il-Madonna, filwaqt li ħafna tfal ġabu fjuri u xemgħat bħala turija ta’ rispett lejn il-Madonna.
Fis-6 ta’ Mejju fl-iskola kellna l-Open Day. Dakinhar il-ġenituri kellhom l-opportunita` li jżuru l-iskola filwaqt li jattendu għal-lezzjoni fil-klassi flimkien ma’ uliedhom. Il-ġenituri ġew mistiedna wkoll għall-Maths Workshop fejn setgħu jaraw modi u strateġiji kif jistgħu jgħinu lil uliedhom fit-tagħlim tal-Matematika. Il-ġenituri kellhom ukoll l-opportunita` li jżuru l-Mużew tal-Edukazzjoni li jinsab fis-sular t’isfel fl-iskola.
Għeżież Ġenituri
Nixtiequ nerġgħu nfakkrukom li għada l-Ġimgħa 20 ta’ Mejju t-tfal m’għandhomx skola.
Grazzi
Ms N Saliba
Kap tal-Iskola
St Ignatius College, Patri Ġużè Delia, Siġġiewi Primary 