L-iskola Primarja Siġġiewi ngħatat il-Gold Award bħala Book Champion School. Dan l-award ġie mogħti lill-iskola mill-Aġenzija tal-Litteriżmu għall-impenn sħiħ tal-iskola fil-qasam tal-qari.
N. Saliba
Category: School Activities
Inkurunazzjoni tal-Madonna
Ix-xahar ta’ Mejju huwa iddedikat lill-Madonna. B’hekk fis-17 ta’ Mejju saret attivita’ ħelwa fl-iskola tas-Siġġiewi fejn it-tfal kollha nġabru fis-sala u faħħru lill-Madonna permezz ta’ talb u kant. Fl-aħħar ta’ din l-attivita’ l-ikbar tifel u l-iżgħar tifla tal-iskola nkurunaw lill-Madonna billi poġġew kuruna fuq rasha. Kienu ħafna t-tfal li ġabu magħhom xemgħa u fjuri bħala offerta għall-Madonna li tant tħarisna.
Open Day
Fid-19 ta’ Mejju fl-iskola kellna l-Open Day. Dakinhar il-ġenituri kellhom l-opportunita’ u jżuru l-iskola li jattendu għal-lezzjoni fil-klassi flimkien ma’ uliedhom. Il-ġenituri tal-Primarja ġew mistiedna wkoll għall-workshops dwar il-Litteriżmu animati mill-istaff ta’ Spld fejn setgħu jaraw modi u strateġiji kif jistgħu jgħinu lil uliedhom fejn jidħol studju u spellar. Il-ġenituri tat-tfal tal-Kindergarten ukoll kellhom laqgħa interessanti dwar il-Litteriżmu fl-eta’ bikrija minn Ms Nadia u Ms Svetlana.
Il-ġenituri kellhom ukoll l-opportunita’ li jżuru l-Mużew tal-Edukazzjoni li jinsab fis-sular t’isfel fl-iskola.
St Ignatius College, Patri Ġużè Delia, Siġġiewi Primary 