Category: School Activities

Jum is-Siġġiewi

Nhar il-Ħamis, 28 ta’ Frar, iċċelebrajna Jum is-Siġġiewi fl-iskola tagħna.  Il-klassi tar-raba’ sena 4.2 ippreparat preżentazzjoni speċjali biex niftakru aktar f’raħal twelidna.  Xi tfal fi gruppi ppreparaw Show and Tells fejn fiha qassmu xi tagħrif ġenerali dwar is-Siġġiewi, dwar il-widien li għandna fih, il-knisja l-antika u dik preżenti u anke dwar il-festa tar-raħal.  Wara ltqajna ma’ tmint itfal li laqqgħuna ma’ personalitajiet magħrufa fis-Siġġiewi.  Dawn huma l-Granmastru Ferdinand Hompesch, Ġuże Aquilina, Lorenzo Gafa’, Karmenu Vassallo, Albert Fenech, Dun Pawl Laferla, Nikola Zammit u Pawlu Aquilina.  Meta rajna kemm dawn in-nies ħadmu biex is-Siġġiewi sar dak li hu llum, nifhmu aktar kemm għandna nkunu kburin li ngħixu f’Citta Ferdinand.
Seta’ kien akbar, seta’ kien isbaħ, raħal twelidi jogħġobni sħiħ!
S. Saliba

This slideshow requires JavaScript.

Karnival 2019

Nhar il-Ġimgħa 1 ta’ Marzu fl-iskola ġie ċċelebrat il-Karnival. It-tfal kollha ġew bil-kostum favorit tagħhom u lkoll ħadu pjaċir jaraw spettaklu ta’ zfin mit-tfal tal-ħames sena, mill-ġenituri, mill-għalliema u mhux l-inqas farsa mill-Minor Staff. Nixtieq nieħu din l-opportunita’ biex nirringrazzja lil kull min ta sehmu speċjalment lil Ms. Stephanie Zammit għall-korjografija tat-tliet zifniet u lil Ms. Amanda Sciberras tal-għajnuna fis-sound u d-dwal.

Prosit u Grazzi

A. Caruana

This slideshow requires JavaScript.

 

1hr Maths Challenge

Nhar id-29 ta’ Novembru 2018, l-istudenti kollha li qegħdin fil-klassijiet tal-primarja, ġewwa l-iskola tas-Siġġiewi, ħadu sehem fil-1 hr Maths Challenge. F’din l-attività l-istudenti ġew preżentati b’numru ta’ sfidi matematiċi, addattati għall-età tagħhom. F’dan l-eżerċizzju t-tfal ħadmu fi gruppi u komplew isaħħu u jipprattikaw il-ħiliet matematiċi miksuba s’issa. Kienet attività fejn it-tfal ħadu pjaċir u fl-istess ħin komplew isaħħu l-kunċetti matematiċi mgħallma fil-klassi.

S. Abela

This slideshow requires JavaScript.