Category: School Activities

Għeżież Ġenituri

Filwaqt li nirringrazzjakom tal-għajnuna u l-attendenza tagħkom għaż-żewġ OPEN DAYS li organizzajna, infakkarkom li minn nhar il-Ġimgħa 1 ta’ Ġunju 2012 l-iskola tibda fit-8.15 u tispiċċa f’nofsinhar. Jekk jogħġobkom wasslu lit-tfal fit-8.10am ħdejn il-Foyer tas-sala fi Triq l-Iskola u mhux minn xi bieb ieħor. Tal-Kindergarten joħorġu kwarta qabel.

Dalwaqt nibgħatulkom dettalji dwar l-eżamijiet tal-aħħar tas-sena. Nisperaw li kulħadd jagħmel l-aħħar sforz. Aktar tard din il-ġimgħa, fuq siggiewiprimary.wordpress.com jittella’ l-kalendarju ta’ Ġunju.

Nerġa’ nirringrazzjakom tal-koperazzjoni kontinwa u s-suġġerimenti tul is-sena skolastika li waslet biex tispiċċa. Fis-sajf inħeġġiġkom tkomplu tiċċekkjaw il-websajt tal-iskola għal xi avviżi li jista’ jkun hemm. Matul is-sajf għandu jiżdied il-qari. Min mhux membru fil-librerija pubblika għandu jmur jirreġistra.

P Decelis

Aġent Kap

Nhar is-17 ta’ Mejju 2012, il-Konsulent Patrick Farrugia u d-Dental Hygienist Ms Montebello taw taħdita interessanti lill-ġenituri tal-iskola.   Mr Farrugia tkellem kif id-dieta taffettwa l-imġieba u Ms Montebello tkellmet dwar il-kura tas-snien.   Il-ġenituri staqsew xi mistoqsijiet u wrew apprezzament għal din il-laqgħa.

This slideshow requires JavaScript.

Fost l-attivitajiet kollha li l-iskola tagħna torganizza għalina, din is-sena ser ikollna OPEN DAY miftuħa għal kulħadd.

B’hekk l-ex studenti jistgħu jaraw kif inbidlet l-iskola matul is-snin.

L-istudenti tal-lum jistgħu iqattgħu ġurnata mal-ġenituri tagħhom fl-iskola tagħhom mingħajr ma jkollhom għalfejn joqogħdu fil-klassi.

Kulħadd jista jara minn ġewwa, dak li normalment jara minn barra.

Fid-disgħa nibdew b’quddiesa fis-sala.

Bejn l-għaxra u l-erbgħa, il-Muzew tal-Istorja tal-Edukazzjoni jkun miftuħ flimkien ma’ esibizzjoni ħajja dwar snajja tradizzjonali Maltin.

Sport għal kulħadd fil-btieħi: basketball, tennis, gymnastics u oħrajn.

Ikel tradizzjonali Malti …

… u fl-erbgħa jibda Talentagħna, Talent Show imtella mill-istudenti, għalliema, ġenituri u oħrajn.

MELA żommu nhar il Ħadd 20 ta’ Mejju 2012 liberu, u ejjew qattgħuh magħna fil-Kulleġġ San Injazju, Primarja Siggiewi.