Illum, it-Tnejn 21 ta’ Jannar, tqassmu ċ-ċertifikati ta’ parteċipazzjoni lill-membri tal-Kunsill tal-Istudenti għax-xogħol li għamlu bejn Jannar u Diċembru 2012. L-Elezzjoni għal Kunsill tal-Istudenti ġdid ser issir nhar il-Ħamis 24 ta’ Jannar 2013.
Grazzi
Ms C Chircop
Link Teacher għall-Kunsill tal-Istudenti
It-tiratur Nathan Lee Xuereb iltaqa’ mat-tfal kollha tal-ħames u s-sitt sena nhar it-Tlieta 15 ta’ Jannar. L-isportiv tkellem mat-tfal dwar l-isparar, l-imħabba tiegħu lejn l-isports u spjega wkoll fid-dettall x’jiġri waqt l-isparar. It-tfal raw l-iskrataċ li jintużaw waqt dan l-isport u wkoll filmat dwar is-suċċess ta’ Nathan Lee barra minn xtutna waqt li ħa sehem f’kompetizzjoni fl-Amerika.
Nathan Lee wieġeb il-mistoqsijiet tat-tfal fosthom kemm hu involut taħriġ għal dan l-isport, kemm ilu jippratikah, u saħansitra jekk hux sport tajjeb għat-tfal bniet!
Preżenti għal laqgħa kien hemm Charles Gauci mill-SPU li spjega lill-istudenti dwar l-iskola tal-isport fejn l-istudenti jkunu mħarrġa f’diversi dixxiplini sportivi.
Wasal iż-żmien sabiex issir elezzjoni u jiġi elett kunsill tal-istudenti ġdid li jservi bejn Jannar 2013 u Diċembru 2013.
Jekk hemm xi tfal li jħossu li jistgħu jagħtu servizz lill-iskola u lil sħabhom l-istudenti f ’dan il-kunsill huma mħeġġa sabiex jagħmlu l-kuraġġ u joħorġu għall-elezzjoni. Fl-istess waqt huwa importanti ħafna li minn issa t-tfal joqogħdu attenti wkoll li jinnutaw jekk wħud minn sħabhom għandhomx xi kapaċitajiet li jservu f’ dan il-kunsill sabiex ikunu jistgħu iħajruhom u jinkoraġġuhom joħorġu għall-elezzjoni.
In-nominazzjonijiet għall-Kunsill tal-Istudenti l-ġdid huma miftuħin. Min hu interessat għandu jiġbor formola mingħand l-għalliema tal-PSD għada wara t-tieni lezzjoni li ser ikollhom fuq x’jinvolvi fil-kunsill tal-istudenti jew iniżżel il-formola minn hawn:
NOMINATION FORM FOR PUPIL COUNCIL 2013
In-nominazzjonijiet jintlaqgħu sal-Ġimgħa 18 ta’ Jannar 2013.
Ms C. Chircop
Link Teacher għall-Kunsill tal-Istudenti
St Ignatius College, Patri Ġużè Delia, Siġġiewi Primary 