Category: News

Kull xahar l-Aġenzija Nazzjonali tal-Litteriżmu torganizza Xalata ta’ kitba, bil-Malti u/jew bl-Ingliż, għal tfal ta’ bejn il-5 snin u 12-il sena, u l-familja/kustodji tagħhom. Ix-Xalati ta’ Kitba jdewqu lill-familji kif jaħdem il-proċess tal-kitba u jsiru f’ambjenti rilassanti u ta’ gost.

Ix-Xalati huma bla ħlas u jsiru f’diversi siti u lokalitajiet naturali, storiċi, arkeoloġiċi u kulturali madwar Malta u Għawdex.

Imsieħba f’din l-inizzjattiva mal-Aġenzija Nazzjonali tal-Litteriżmu hemm entitajiet oħra fosthom Heritage Malta, li tgħin fl-organizzazzjoni ta’ dawn ix-Xalati fil-mużewijiet Maltin u Għawdxin.

Ix-Xalati ta’ Kitba joffru opportunita’ unika lill-ġenituri/kustodji sabiex jipparteċipaw ma’ wliedhom f’attivitajiet ta’ kitba divertenti u prattiċi. Fl-attivitajiet il-ġenituri/kustodji jitħarrġu kif iħaddmu strateġiji tal-kitba li mbagħad ikunu jistgħu jużawhom ma’ wliedhom id-dar meta t-tfal ikollhom xogħol ta’ kitba. Waqt dawn ix-xalati l-parteċipanti jingħataw ktieb mill-isponsor uffiċċjali ta’ dawn ix-Xalati – Merlin Publishers.

Iktar informazzjoni dwar ix-Xalati ta’ Kitba tista’ tinkiseb minn fuq il-paġna tal-Facebook – Xalati ta’ Kitba jew billi ċċempel 2598 3324.

L-iskola tagħna għadha kemm ingħatat il-Green Flag għas-sitt darba konsekutiva.  Il-Green Flag tingħata lil skejjel li jkunu wettqu inizjattivi ta’ livell eċċellenti relatati mal-ambjent li jkunu saru fuq firxa ta’ sentejn.  L-inizjattivi ambjentali li ġejna evelwati fuqhom kienu marbuta mal-proġett fuq il-Fair Trade u ieħor fuq il-konservazzjoni tal-ilma.

Grazzi kbira lill-kumitat tal-EkoSkola magħmul minn: Francesco Giuseppe Giorgino, Leon Xuereb, Luca Falzon, Zodie Mamo, Erika Bonello, Riccardo Campo, Amy Pace, Elisa Morguello, Shania Cassar, Kendra Galea, Bernard Rapinett, Lucio Trapani, Lisa Sant Portanier u Julian Cutajar Decelis.  Kif ukoll lill-għalliema li mexxewhom: is-Sa Marlene Vella, is-Sa Doreen Spiteri u s-Sur Randolph Peresso.

Nawguraw ħidma ħabrieka lill-kumitat tal-EkoSkola.

N Saliba