Category: News

Nhar il-Ġimgħa 27 ta’ Frar 2015, ġie ċċelebrat Jum is-Siġġiewi ġewwa l-iskola tagħna.

Kienet okkażjoni ta’ ċelebrazzjoni fejn l-istudenti tal-Ħames sena mill-klassi ta’ Ms Ciappara preparaw ruħhom sabiex jaqsmu ma’ sħabhom xi ideat dwar għaliex huma kburin li huma Siġġiwin.

Fil-fatt, wara li qraw dak li ħejjew, huma waħħlu karta bid-dettalji fuq noticeboard apposta li qiegħed għall-wiri fil-foyer tal-iskola. Tħejja wkoll filmat interessanti mill-istess għalliema bl-aktar postijiet importanti fir-raħal. L-istudenti dehru entużjasti ħafna.

L-attivita’ bdiet b’diskorsi qosra mill-Kap tal-iskola u mis-Sindku Dr Karol Aquilina. Kien hemm preżenti wkoll il-Kunsillier Nicholas Cassar.

P Decelis

Kap tal-Iskola

This slideshow requires JavaScript.

Fit-3 ta’ Marzu, il-President tar-Repubblika, l-Eċċellenza tagħha Marie-Louise Coleiro Preca żaret l-iskola tas-Siġġiewi sabiex tassisti għal sessjoni ta’ Ċaqlaq li tippromwovi stil ta’ ħajja san b’ikel tajjeb għas-sahha u eżerċizzju.

Prezenti għal din l-attivita’ kien hemm ukoll is-Sur Munoz mill-Fondazzjoni Mapfre’, irrapreżentata f’Malta minn Middlesea Insurance, sponsors tal-Kampanja Ċaqlaq.

P Decelis
Kap tal-iskola

This slideshow requires JavaScript.

Nhar il-Ħamis, 26 ta’ Frar 2015, saret l-ewwel laqgħa tal-Kunsill tal-Istudenti għal din is-sena. Ġie diskuss l-importanza tax-xogħol tagħhom, ġew diskussi r-regoli ta’ mġieba kif ukoll ġew deċiżi r-rwoli fil-kunsill fosthom dawk tal-president, viċi president, segretarju, teżorier u PRO. Dawn il-membri ser jibqgħu fil-karigi tagħhom sal-aħħar tas-sena skolastika.

Il-karigi ġew imqassma b’dan il-mod:

John Sant Portanier – President

Yasmine Vella – Segretarja

Ramon Psaila – Viċi President

Michaela Cutajar– Viċi Segretarja

Kelsey Bugeja – PRO

Matthias Cordina – Kaxxier

Kyle Caruana u Nirvana Micallef – Noticeboard

Kyle Borg – Kaxxa tas-Suġġerimenti

Francesco Giorgino – Osservatur

Bertie Briffa – Osservatur

Ms Chircop – Link teacher għall-Kunsill tal-Istudenti

This slideshow requires JavaScript.