Is-Sibt 4 ta’ Ġunju 2016 grupp ta’ tfal mis-sitt sena ħadu sehem f’attivita ġbir ta’ fondi għall-Missjoni. Minbarra li ħadu pjaċir jilagħbu l-futbol f’ambjent amikevoli, it-tfal taw ukoll donazzjoni żgħira b’ total ta €90 f’isem il-Kulleġġ San Injazju l-iskola Primarja Siġġiewi.
.
Fis-6 ta’ Mejju fl-iskola kellna l-Open Day. Dakinhar il-ġenituri kellhom l-opportunita` li jżuru l-iskola filwaqt li jattendu għal-lezzjoni fil-klassi flimkien ma’ uliedhom. Il-ġenituri ġew mistiedna wkoll għall-Maths Workshop fejn setgħu jaraw modi u strateġiji kif jistgħu jgħinu lil uliedhom fit-tagħlim tal-Matematika. Il-ġenituri kellhom ukoll l-opportunita` li jżuru l-Mużew tal-Edukazzjoni li jinsab fis-sular t’isfel fl-iskola.
Għeżież Ġenituri
Nixtiequ nfakkrukom li nhar l-Erbgħa 1 ta’ Ġunju nibdew in-nofstanhari, jiġifieri l-iskola tibda fit-8:15am u tispiċċa f’12:00pm. It-tfal tal-Kindergarten jispiċċaw f’11:45am.
Illejla nħeġġukom tattendu għall-kunċert mużikali fis-sala tal-iskola. Il-kunċert jibda fit-8:00pm u t-Eur 8 biljett għad-dħul bħala donazzjoni jista’ jinxtara minn mal-bieb. Il-qliegħ ta’ din l-attivita ser imur għal Ms Chircop u Ms Zammit li uliedhom ntlaqtu mill-marda tal-kanċer.
Grazzi
Ms N Saliba
Kap tal-Iskola
St Ignatius College, Patri Ġużè Delia, Siġġiewi Primary 