Category: News

Il-Festa ta’ San Nikola

Kull sena, fis-6 ta’ Diċembru l-iskola Primarja tas-Siġġiewi tiċċelebra bil-kbir il-festa ta’ San Nikola – il-patrun tas-Siġġiwin.  Dakinhar it-tfal jilbsu ta’ personaġġi li jissemmew fl-istorja ta’ San Nikola bħal ngħidu aħna t-tliet xebbiet, il-baħrin u San Nikola. Personaġġi oħra jinkludu l-granmastru Hompesch u Dun Salvo Curso.  Barra dawn il-personaġġi jieħdu sehem ukoll l-iscouts u l-abbatini. Tfal oħra jagħtu sehemhom billi jerfgħu l-istatwa ta’ San Nikola, il-bandalora, il-lanterni, il-fjuri, it-tabelli, l-manna, ix-xemgħa u l-ħobż – dawn tal-aħħar jirrappreżentaw simboli mill-istorja. Din tizvolġi f’purċissjoni twila bil-parteċipazzjoni ta’ tista’ tgħid it-tfal tal-iskola kollha.  Dan kollu jista’ jsir biss bl-għajnuna ta’ ħafna nies li jgħinu lill-iskola biex tkun tista’ tiġi organizzata din il-purċissjoni tassew sabiha.  F’din il-festa jingħaqdu magħna wkoll iż-żewġ baned tar-raħal, l-għaqda tal-armar u għall-ewwel darba kellna wkoll il-parteċipazzjoni tal-kunsill lokali. Fil-festa ta’ din is-sena nġabru flus għall-Istrina, u b’hekk kellna l-unur li jingħaqad magħna s-Sur Preca li faħħar lit-tfal għall-entużjażmu tagħhom. 
 
N. Saliba

This slideshow requires JavaScript.

Embed Digital Literacy Awards 2017

Ms Claudine Chircop, class teacher of Year 4.1 Parrots, has participated in EMBED Digital Literacy Awards 2017 with a project about a famous Maltese personality, Dun Karm Psaila, which demonstrates the use of creative and inclusive learning methods that achieve outstanding results, with the potential to be replicated and or of inspiration to others. Infact we are pleased to announce that this project has been awarded first place in the Innovative Digital Learning Project Category.

Ms Claudine Chircop has also placed first in the use of Online Learning: Use of iLearn Category. The project presented the use of Fronter which allowed multi-modlity: text, images and video as well as great utilization of “flipped classroom” learning. The use of iLearn was a great way to involve parents too.

As Mr Zammit, Director for Digital Literacy and Transversial Skills stated,

“EMBED is a tiny recognition but a hugely important one as it demonstrates dedication and exceptional quality of teachers while making best use of digital technology in class.”

Most importantly such work leaves a positive impact on the students’ learning experience.

This slideshow requires JavaScript.

Niltaqgħu ma’ awtur – proġett Erasmus+

Kulħadd ġieli qara jew sama’ b’xi ħrafa tas-sħarijiet. L-aħwa Grimm kitbu għadd kbir minnhom. Iżda qatt immaġinajtu x’jiġri kieku dawn il-ħrejjef kellhom jitħawdu? Hekk proprju ġara fil-proġett Erasmus + li  ħadmu fuqu t-tfal, li s-sena li għaddiet kienu fil-ħames sena. Huma kellhom l-opportunità jaħdmu id f’id ma’ Trevor Żahra, awtur rinomat, biex jiktbu djalogu bejn karattri minn ħrejjef differenti. Fl-aħħar tal-proċess, intgħażlet kitba waħda, liema kitba din is-sena ġiet irrekordjata f’forma ta’ Puppet Show. Fi kliem Francesco Giorgino, Jayden Borg u Aidan Grima, t-tlett itfal magħżula, din kienet esperjenza tassew sabiħa u jħossuhom kburin b’ din l-opportunità u bix-xogħol finali.

Waqt li nittamaw li din l-esperjenza tħalli ħafna frott u tkompli tiżviluppa l-immaginazzjoni tat-tfal, nieħdu l-opportunità nirringrazzjaw lil:

Trevor Zahra, tal-għajnuna u l-ħidma sfiqa tiegħu tul il-proġett

Agnes Mifsud u Grace Falzon, tal-ħjata tal-kostumi tal-pupazzi

Ms Ciappara u Ms Baldacchino, għalliema, li s-sena li għaddiet kienu jgħallmu l-5 sena u li taw bidu lil dan il-proġett

Ms Priscilla Vella, tal-għajnuna u l-kollaborazzjoni tagħha fil-ħidma tal-pupazzi

Ms Abela tal-props

Mr Peresso tal-filming u l-editing

Ms Claudine tal-editing

Fl-aħħar u mhux l-inqas, ma jonqosx nirringrazzjaw ukoll lit-tliet studenti – Francesco, Jayden u Aidan tal-entużjażmu u l-impenn tagħhom tul il-proġett. Il-ħidma tagħna kienet katina, wieħed jorbot mal-ieħor. Prosit lil kulħadd!