Category: Circulars

A UNIQUE INVITATION

Dear Parent / Guardian,

We would like to invite you to participate in a fun and interactive parents’ workshop.

This workshop will be part of a research gathering initiative under the “Ċaqlaq!” health campaign.

During this workshop we would like to listen to parents such as yourself about the topic of health and healthy living.

The workshop will be held at your child’s school on the 29th January 2015 at 12.30pm.

Spaces are limited so it is important that you kindly reserve a place by phoning 99589618 or sending an email to matthewrandon@gmail.com .

Refreshments will be served during the workshop.

Looking forward to see you!

Thank you,

The “Ċaqlaq!” team

 ________________________________________________________________________

STEDINA UNIKA

Kampanja tas-Saħħa Ċaqlaq! 2015

Għażiż/a Ġenitur,

Nixtiequ nistidnuk biex tipparteċipa f’sessjoni interattiva u pjaċevoli tal-kampanja Ċaqlaq! 2014, mfassla apposta għall-ġenituri.

Is-sessjoni tinvolvi ġbir ta’ informazzjoni għall skopijiet ta’ riċerka fi ħdan il- Kampanja tas-Saħħa Ċaqlaq! 2014.

Għalhekk matul is-sessjoni nixtiequ nisimgħu l-opinjonijiet ta’ ġenituri bħalek dwar is-suġġett tas-saħħa.

Is-sessjoni ser isseħħ fl-iskola tat-tifel / tifla tiegħek nhar id-29 ta’ Jannar 2015 fin-12.30pm.

Jekk jogħġbok importanti li tirriserva post billi ċċempel 99589618 jew tibgħat email fuq matthewrandon@gmail.com għax l-ispazju huwa limitat.

Waqt is-sessjoni ser inservulkom bibita.

Nittamaw li narawkom,

Grazzi!

It-tim ta’ Ċaqlaq!

Darba, waħda mara, xirfet ‘il barra minn darha wara li kienet semgħet xi ħadd jiċċaqlaq fil-fetħa ta’ quddiem il-bieb ta’ barra. Rat tliet ixjuħ, b’leħja twila bajda u libsin xi ftit differenti wieħed mill-ieħor. Kienu hemm bilqiegħda fuq l-għatba. Qatt ma kienet rathom qabel.

“Jien ma nafkomx”, qaltilhom, “imma tidhru għajjenin u għandkom ġuħ klubi fuqkom. Għaddu ġewwa ħalli nagħmlilkom xi ħaġa x’tieklu.” “Le,” qabeż wieħed minnhom. “Aħna ma nistgħux nidħlu t-tlieta f’daqqa ġo darek!” “U għaliex le?” staqsiet mistagħġba l-mara. Dak malajr ipponta subgħajh lejn wieħed minn sħabu x-xjuħ u qalilha “Ara, dak jismu Ġid. U dan sieħbi l-ieħor jismu Suċċess. Jien jisimni Mħabba. Issa mur ħdejn żewġek u ftiehem miegħu liema wieħed minna tridu li jidħol f’darkom. Hekk it-tlieta f’daqqa ma nidħlux, imma wieħed wieħed biss!”

U l-mara daħlet malajr qrib żewġha u qaltlu b’dan kollu. Wiċċ ir-raġel xegħel bil-ferħ. “Mela, jekk hu hekk”, qalilha b’ħafna eċitament fuqu, “ejja nistiednu lil Ġid. Għidlu jidħol ġo darna biex jimlihielna bil-ġid!” Il-mara ma qablitx. “Imma, għażiż tiegħi, għaliex ma nistiednux lil Suċċess?” Binthom kienet fil-kamra l-oħra tissemma’ kollox. Malajr tfaċċat ħdejn missierha u ommha. Riedet tgħid tagħha wkoll: “Mhux aħjar nistiednu Imħabba? Hekk darna timtela’ bl-imħabba, li hi l-aqwa ħaġa!” “Iva, kos!”, kompla l-missier. “Ara fittex mur tihom risposta. Għidilhom li l-ewwel wieħed li nistiednu għandu jkun Imħabba. Nixtiequh ikun il-mistieden ta’ l-unur f’darna.”

Il-mara hekk għamlet. Ix-xwejjaħ li kien jismu Imħabba, qam minn fejn kien u beda dieħel lejn id-dar. Ħin bla waqt, iż-żewġt ixjuħ l-oħra, qamu wkoll u taw is-salt biex jidħlu warajh. Il-mara nħasdet. Daret fuqhom u qaltilhom: “Jien lil Imħabba stedint u mhux lilkom. Dan kif se taqbdu u tidħlu f’dari! Intom m’għedtux li ma tistgħux tidħlu t-tlieta f’daqqa?” U t-tlieta weġbuha b’leħen wieħed: “Kieku stedint lil Ġid jew lil Suċċess, it-tnejn l-oħra kienu jibqgħu barra. Imma la stedint l-Imħabba, ikollna nidħlu miegħu. Għax fejn tidħol l-Imħabba, l-Ġid u s-Suċċess jimxu warajh.”

U tul din is-sena l-ġdida lil min se tistieden f’ħajtek u f’darek?

Tislijiet,

Doreen Aquilina

Marie-Claire Sammut

(Għalliema tal-PSCD)