Fit-18 ta’ Ottubru saret Special Assembly mit-tfal tal-klassi Year 6.3 sabiex infakkru l-memorja ta’ Dun Karm Psaila. Dun Karm Psaila huwa l-poeta nazzjonali u permezz ta’ din l-assembly, ingħatat informazzjoni lit-tfal kollha dwar il-ħajja ta’ Dun Karm Psaila u ssemmew xi xogħlijiet ta’ kitba importanti fosthom l-Innu Malti u l-Innu ta’ filgħodu li nkantaw kuljum – Reġa sebaħ ja Mulejja.
Ms N Saliba
Kap tal-Iskola
L-iskola Primarja Siġġiewi kellha l-unur li tilqa’ grupp ta’ żeffiena u kantanti Russi mis-Siberja li ġew jagħtu kunċert lill-istudenti tal-primarja. Kienet okkażjoni mill-isbaħ fejn l-istudenti setgħu jesperjenzaw il-kultura Russa permezz tal-lingwa, kant u żfin. Minbarra li kulħadd tpaxxa bl-ispettaklu professjonali, kulħadd seta’ jammira u japprezza l-ġmiel ta’ kostumi u kuluri. Minn qalbna nixtiequ nirringrazzjaw lill-parteċipanti tal-Youth Russian Culture Festival in Malta, filwaqt li ringrazzjamenti speċjali jmorru għal Dun Nikol Aquilina, Dr.Snezhana Sofeina u Evgueni Bodishtianu.
N. Saliba
Kap tal-iskola
St Ignatius College, Patri Ġużè Delia, Siġġiewi Primary 