Kindergarten Activity No. 42

L-għan ta’ dawn l-attivitajiet huwa li t-tfal isaħħu s-smigħ b’mod orali u jagħrfu d-differenza bejn il-kliem. Se jgħinuhom ukoll biex isaħħu l-vokabularju, kif ukoll il-memorja

.

Dawn il-kliem huma l-istess jew differenti?

1. Ibda din l-attività billi tiddiskuti mat-tfal xi jfissru dawn il-kliem: l-istess u differenti.
2. Meta t-tfal ikunu qabdu l-kunċett u qed jifmhu dawn il-kliem, spjega lit-tfal li se tkun qed tgħidilhom żewġ kelmiet u jridu jagħrfu jekk humiex l-istess jew differenti.
3. Waqt din l-attività insisti fuq l-importanza tas-smigħ. Għid lit-tfal: “Iftħu widnejkom biex tisimgħu sew.”
4. Jekk ikun hemm il-bżonn, irrepeti dawn il-kliem aktar minn darba.
5. Kif it-tfal jisimgħu ż-żewġ kelmiet, staqsiehom jekk il-kliem li għadhom kemm semgħu, humiex l-istess jew differenti.

Eż.: Għid il-kliem : “mutur –    mutur”

     Staqsi: “L-istess?”

     It-tfal suppost iwieġbu: “Iva”

    Għid il-kliem : “mutur –    ajruplan”

     Staqsi: “L-istess?”

    It-tfal suppost iwieġbu: “Le”

Dawn huma eżempji ta’ kliem li jistgħu jintużaw.

Liema kelma hi differenti?

1. Din id-darba, it-tfal se jisimgħu tliet kelmiet u jridu jagħrfu liema kelma hi differenti.
2. Erġa’ insisti fuq l-importanza tas-smigħ waqt din l-attività.

Eż. Għid il-kliem : “kelb – kelb – dar”

     Staqsi: “Liema kelma hi differenti?”

    It-tfal suppost iwieġbu: “dar”

   Għid il-kliem : “tieqa – tieqa – bieb”

   Staqsi: “Liema kelma hi differenti?”

   It-tfal suppost iwieġbu: “bieb”

 

Dawn huma xi kliem li jistgħu jintużaw.

Ms Rodianne

K2.1