Għat-tieni sena konsekuttiva l-iskola tagħna ħadet sehem fil-High 5 Mathematics Challenge. Mill-erba’ studenti jirrappreżentawna fil-fażi kwalifikattiva, għadda Luke Debono, student fis-sitt sena. Minn hawn, Luke beda l-mixja tiegħu għat-tieni fażi – dik ta’ training f’workshops differenti. Hawnhekk is-77 student magħżula kellhom opportunità jiskopru u jitrawmu aktar f’higher order problem solving strategies, waqt li jippreparaw portfolio dwar l-iskoperti u l-ħidma tagħhom. It-tielet u l-aħħar fażi kienet dik tat-testing, fejn għandna l-pjaċir inħabbru, li Luke ġie fost l-ewwel 10 studenti f’Malta! Mill-qalb nawguraw lil Luke u nħeġġuh ikompli jħaddem it-talent tiegħu f’dan il-qasam.
Ms S Abela
Assistent Kap
St Ignatius College, Patri Ġużè Delia, Siġġiewi Primary 