- Wasalna fl-aħħar ġimgħa tas-sena 2015! Grazzi tal-koperazzjoni tagħkom matul is-sena. Flimkien irnexxielna mmexxu ’l quddiem it-tagħlim tat-tfal tagħna. Dalwaqt ser nibagħtulkom in-Newsletter tal-Milied mat-tfal. Nispera li togħġobkom. Hija mimlija informazzjoni u xogħol tal-istudenti. Fiha hemm il-kalendarju b’xi dati importanti. Inħeġġu lit-tfal biex jieħdu sehem fil-kompetizzjoni li hemm fil-paġni tan-nofs.
- Nhar it-Tnejn, 21 ta’ Diċembru 2015 ser jittella’ l-Kunċert tal-Milied fl-iskola. Il-ġenituri tat-tfal kollha huma mistiedna. Jistgħu jiġu sa tnejn min-nies minn kull familja. Il-Kunċert jibda fid-9:15am. Il-bieb jinfetaħ fid-9am. Ovvjament it-tfal jixtiequ li jkollhom udjenza! Għalhekk hija ħasra jekk il-ġenituri jitilqu wara li jaraw lit-tifel/tifla tagħhom. Huwa ppjanat li l-attivita` ddum ftit aktar minn sagħtejn. Ser ikollna fotografu u vidjografu biex jieħdu ritratti u vidjow professjonali. Dawn ikunu għall-bejgħ f’Jannar. Min irid jieħu xi ritratt hu, jista’ jagħmel dan minn postu.
- Nhar it-Tlieta, 22 ta’ Diċembru hi l-aħħar ġurnata tal-iskola. Dakinhar ikollna purċissjoni madwar l-iskola wara d-9 am u jsiru l-parties fil-klassijiet.
- Ser jibda l-kors tal-Parental Skills f’Jannar. Dawk kollha nteressati huma mitluba li jċemplu lis-Segretarja Christine Schembri fuq in-numru 21464317.
Nixtiqilkom Milied ħieni u j’Alla l-2016 iġġib magħha ferħ u saħħa għall-familja tagħkom.
N Saliba
Kap tal-Iskola
15/12/2015
St Ignatius College, Patri Ġużè Delia, Siġġiewi Primary 