Il-ġimgħa 3 ta’ Ottubru 2014, l-istudenti kollha tal-Kulleġġ San Injazju Primarja Siġġiewi telqu lejn l-iskola flimkien mal-annimal favorit tagħhom! Il-bitħa kienet mimlija b’għasafar, qtates, klieb, ħut, fkieren u annimali li normalment nafuhom bħala pets. Imma kien hemm ukoll għasafar bħall-kokka u annimali bħall-qażquż li mhux normali li nsibu ġewwa d-dar. L-arċipriet bierek l-annimali kollha u lil sidhom, bit-tama li dan jieħu ħsieb lill-annimal favorit tieghu aħjar. Imbagħad ingħatat informazzjoni qasira dwar il-qaddis patrun tal-annimali, San Franġisk.
Il-ġenituri kollha kienu mistiedna għal din iċ-ċerimonja u attendew bi ħġarhom.
St Ignatius College, Patri Ġużè Delia, Siġġiewi Primary 